Екатеринбургда ягона нусхада ясалиб, икки мингта олмос ва беш юзта топаз билан безатилган «Мўл-кўллик шохи» соати Дубайда тақдим этилди, дея хабар бермоқда «ТАСС».
Россиянинг MOISEIKIN заргарлик компанияси раҳбари Виктор Моисейкин ушбу буюмда санъатнинг заргарлик, тоштарошлик ва соатсозлик каби учта тури жамланганини айтди. У бир вақтнинг ўзида стол соати, сандиқча ва сувенирдир.
Уни тайёрлашда 1 килограммдан зиёд олтин, икки мингдан ортиқ олмос, 500 та топаз, 100 та марварид донаси ва бошқа кўплаб нарсалардан фойдаланилди. Виктор Моисейкин сўзларига кўра, унинг нархи 1 миллион доллардан кам эмас.
Сувенирни ясашда заргарликда тошларни ёпиштиришнинг бу йил Россия ва жаҳонда патент олган «вальсга тушаётган олмос» инновацион усулидан фойдаланилди. Бунда олмослар ўз ўқи атрофида айланиб туради.
Изоҳ (0)