Камида 54 нафар журналист 2015 йил бошидан буён турли мамлакатларда гаровга олинган, дея хабар бермоқда «Интерфакс» «Чегара билмас мухбирлар» ҳуқуқни ҳимоя қилиш ташкилотининг йиллик маърузасига таяниб.
Ушбу рақам ўтган йилгига нисбатан 35 фоизга кўпайган, ўшанда 40 нафар ОАВ вакили гаровга тушган эди.
Журналистларнинг гаровга олиниш ҳолатлари бу йил энг кўп Сурияда қайд этилди. У ерда жами 26 киши гаровда тутилган, шулардан 18 киши ИШИД террорчилик гуруҳи жангарилари қўлига тушган. Бундай ҳолатларнинг қолгани Яман, Ироқ ва Ливияда кузатилган.
Изоҳ (0)