Москва марказидаги кафеда рўй берган жанжал оқибатида икки киши ҳалок бўлди ва 9 киши яраланди

Москва марказидаги Рочдельская кўчасида жойлашган «Элемент» кафесида рўй берган жанжал оқибатида икки киши ҳалок бўлди ва 9 киши жароҳатланди. Бу ҳақда пойтахт ҳуқуқ-тартибот идораларидаги манба маълум қилди, дея хабар беради «ТАСС».

«Москванинг Пресненское туманидаги ‘Элемент’ кафесида эркакларнинг икки гуруҳи ёқалашиб кетган. Жанжал чоғида ўқотар қурол қўллангани туфайли икки киши воқеа жойида ҳалок бўлди ва бир киши яраланди. Шунингдек, яна 8 киши жабрланган, улардан тўрт нафари турли шикастланишлар билан касалхонага ётқизилган», — дея таъкидлаган агентлик манбаси.

Мазкур ҳодиса юзасидан текширув олиб борилмоқда.