АҚШ Ички хавфсизлик вазирлиги Америка визасини олиш учун ариза берганларнинг ижтимоий тармоқлардаги аккаунтларини ўрганиб чиқиш уларни текшириш жараёнининг бир қисмига айлантирувчи режани ишлаб чиқмоқда. Бу ҳақда The Wall Street Journal берган маълумотларга асосан, «Вести.ru» хабар қилади.
Текшириш жараёнига киритилаётган ўзгаришларнинг тафсилоти ҳозирча маълум эмас, бироқ нашрнинг хабар қилишича, у янада кенг кўламли ислоҳотларнинг бир қисми холос. Бу, одатда, расмий ёзув ва ҳужжатларга асосланиб келган Ички хавфсизлик вазирлиги эндиликда ижтимоий медиага ҳам эътибор қарата бошлашини англатади.
Бундан ташқари, бу ўзгаришлар яқинда Сан-Бернардинода экстремистлар томонидан 14 кишининг ўлдирилиши билан боғлиқ бахтсиз ҳодисага жавобан киритилмоқда. Кейинроқ аниқ бўлишича, террорчилардан бири АҚШ визасини олишдан аввал учта алоҳида текширувдан ўтган. Лекин текширувларнинг ҳеч бири террорчининг ижтимоий тармоқдаги саҳифасидаги жиҳодни қўллаб-қувватлаш мазмунидаги хабарларини аниқлай олмаган.
Изоҳ (0)