1996 йилда турмуш қурган испаниялик актёр Антонио Бандерас ва америкалик киноюлдуз Мелани Гриффит ажрашиш жараёнини тўлиқ расмийлаштирди. Бу ҳақда «ТАСС» хабар беради.
58 ёшли Гриффит ўтган йили ажрашиш учун ариза берган эди. Бироқ шу пайтга қадар қачонлардир Голливуднинг энг машҳур жуфтликларидан бири никоҳдан ажратиш жараёнининг молиявий масалалари ва бошқа ҳуқуқий жиҳатлари юзасидан келишувга эриша олмаётган эди. Жумладан, актриса 55 ёшли Бандераснинг бир неча фильмларда суратга тушиш натижасида қўлга киритган даромадининг бир қисмига даъво қилди.
Собиқ эр-хотин келишувининг тафсилотлари охиригача маълум қилинмади. Бироқ, Associated Press агентлигининг хабар беришича, Бандерас 18 ёшли қизи учун Гриффитга ҳар ойда 55 минг доллар алимент тўлайди.
ОАВ ажрашишга актрисанинг рашки сабаб бўлганлигини маълум қилган эди. Бу билан Гриффит тўртинчи марта, Бандерас эса иккинчи марта ажрашмоқда.
Изоҳ (0)