Хонанда Муниса Ризаева ўзи томонидан аввалроқ айтилган шоу-бизнесдан кетиши ҳақидаги гап-сўзларга изоҳ берди. Бу ҳақда «Суғдиёна» газетаси хабар бермоқда.
«Уйимизга совчилар келиб-кетиб турганидан хабарингиз бор. Куёвликка номзодлардан бири: ‘Тўйга чиқмайди, қўшиқ куйламайди’, — деб шарт қўйганди. Санъатни тарк этиш ҳақидаги гапларнинг боиси шу эди», — деди хонанда.
«Ҳозир мен билан тақдирини боғлаш истагида бўлган йигитнинг фикрини ўзгартиришга ҳаракат қиляпман. Санъатдаги ўрнимни топиш осон бўлмаган, шунча йўлни босиб ўтиб, энди қай юз билан ташлаб кетаман», — дейди хонанда.
Газета мухбирининг «Сиз айтаётган ‘номзод’ Instagram’даги йигит эмасми, мабодо?», — деган саволига, Муниса Ризаева шундай жавоб берди: «Ҳа, худди ўзи».
2015 йил сентябрида хонанда ўз интервьюларининг бирида: «Балки келаси йилни санъатни ташлайман. Билмайман, кўрамиз», — деганди.
Изоҳ (0)