Самарқанд вилояти Оқдарё туман ер ресурслари ва давлат кадастри бўлими собиқ бошлиғи хусусий тадбиркордан пора талаб қилгани маълум бўлди. Бу ҳақда «Ҳуқуқ» газетаси 3 декабрь сонида ахборот берилган.
Хусусий тадбиркор интенсив боғ яратиб, тадбиркорликни кенгайтириш учун 3,5 гектар ер майдонини ажратиб беришни сўраган. Бўлим бошлиғи эса бунинг эвазига 3 минг доллар миқдорида пул талаб қилган.
«Бўлим бошлиғи талаб қилинган пулни олган вақтида ашёвий далиллар билан ушланган», — дейилади газета хабарида.
Ушбу бўлим бошлиғи 35 нафар тадбиркорнинг мурожаатларини кўриб чиқмасдан йўқотиб юборгани фош этилгани ҳақида аввалроқ хабар берилган эди.
Хабар беришларича, мазкур ҳолат бўйича қонунбузарга нисбатан жиноят иши қўзғатилиб, суд томонидан қонуний жазо белгиланган.
Изоҳ (0)