Қайта тикланган iPhone 6 Plus америкаликни барчанинг кўз олдида ечинишга мажбур этди: қурилма жабрдийданинг жинси шими чўнтагида ёниб кетди. Бу ҳақда Channel Two телеканали ҳикоя қилди, дея хабар беради «Hi-tech.mail.ru».
Ўзини ҳақиқий исмини айтмай, Рокки деб таништирган жабрдийда харидларини автомобилига жойлаштираётганида шимининг олди чўнтагида кучли ачишишни ҳис этади. Бир неча сония ўтгач у ердан тутун кўтарила бошлайди ва Рокки шимини ечишга мажбур бўлади. Смартфон чўнтак ва ички кийимни буткул куйдириб улгурган, шим тезда ечилгани учунгина оёққа ўтмаганди.
Жабрдийданинг айтишича, Apple бу смартфонни 2014 йилда сотган, олдинги эгасидан сўнг бошқа компания қурилмани қайта тиклаган, 2015 йил октябрида эса Рокки уни харид қилган. Қурилмани тиклаган сервис йигитга 24 соат давомида бошқасини жўнатишга ваъда берди, бироқ Рокки бу етарли эмаслиги, кимдир қўнғироқ қилиб, ундан кечирим сўрашини кутаётганини билдирди.
Изоҳ (0)