Энг яхши ўйинлар ва ишлаб чиқувчиларни тақдирлаш бўйича The Game Awards анъанавий маросимида 2015 йилнинг якунлари эълон қилинди, деб ёзади «Газета.ru».
«Йил ўйини» номинациясида Польшанинг CD Project Red компанияси томонидан ишлаб чиқилган «Жодугар-3: Ёввойи ов» ўйини ғолиб бўлди. Ушбу компания 2015 йилнинг энг яхши ишлаб чиқувчисига ҳам айланди. Польшаликлар Bethesda Game Studios (Fallout 4), From Software (Bloodborne), Kojima Productions (Metal Gear Solid V: The Phantom Pain) ва Nintendo’ни ортда қолдирди.
Rocket League пойга-футбол аркадаси энг яхши мустақил видеоўйин деб топилди. Шунингдек, маросимда Xbox One учун Rocket League, Rise of the Tomb Raider учун янги қўшимча, Telltale Games студиясининг Batman ҳақидаги янги лойиҳаси ва The Walking Dead ўйинининг давоми чиқиши эълон қилинди. Бундан ташқари, Uncharted 4, Far Cry Primal ва Quantum Break’нинг янги трейлерлари намойиш этилди.
Изоҳ (0)