Facebook асосчиси ва бош директори Марк Цукерберг ўз акцияларининг 99 фоизини хайрияга сарфлаши — шунчаки солиқ тўлашдан бош тортиш йўли эканлиги ҳақидаги айбловларни рад этди, деб ёзади «Ведомости».
1 декабрь куни Цукерберг ва унинг рафиқаси Присцилла Чан қизли бўлгач, у ҳаёти давомида махсус тузилган ташкилот орқали компания акцияларини сотиб, маблағни хайрияга сарфлашини эълон қилган эди. Бироқ нотижорат ташкилотларни молиялаштириб, хусусий инвестициялар киритиш ва тушган даромадни хайрияга йўналтириш билан шуғулланадиган Chan Zuckerberg Initiative LLC «масъулияти чекланган жамият» сифатида рўйхатдан ўтган.
Компаниянинг бундай шакли Цукербергни Facebook акциялари савдоси учун солиқ тўлашдан озод этади. Акцияларни «хайрия қилиб», компания президенти акциянинг бозор қиймати ҳажмида солиқ чегирмасига эга бўлади.
Бироқ Facebook асосчиси ўз саҳифасида фақат иқтисодий манфаатларни кўзлаётганини ёзди. Унинг сўзларига кўра, акцияларни ўтказиш қўйилган мақсадга тадбиркорлик ва самарадорлик билан эришиш имконини беради.
Изоҳ (0)