Ўзбекистон терма жамоасига номзод теннисчи Жўрабек Каримов АҚШнинг Флорида штати Брадентон шаҳрида давом этаётган теннис турнири яккалик баҳсларида муваффақиятли одимламоқда. Турнирда саккизинчи рақам остида ҳаракат қилаётган Жўрабек чорак финалга йўлланма олди, деб хабар беради «Оламспорт».
Тошкент вақт билан 4 декабрь тонгида Жўрабек Каримов учинчи давра учрашувини ўтказди. Британиялик Райан Жеймс Сторриега қарши кортга чиққан ўзбекистонлик теннисчи рақибини 3:6, 7:5, 6:4 ҳисобида таслим этди.
Унинг чорак финалдаги рақиби турнирнинг 14-ракеткаси канадалик Бенжамин Сигоуин бўлади.
Эслатиб ўтамиз, Жўрабек Брадентондаги турнирнинг биринчи даврасида америкалик Александр Ротсаертни, иккинчи даврада япониялик Юносуке Танакани мағлубиятга учратган эди.
Изоҳ (0)