Европанинг энг кекса аёли, узоқ умр кўриш бўйича дунёда иккинчи ўринда турувчи Эмма Морано ўтган якшанба, 29 ноябрь куни ўзининг 116 ёшини нишонлади, деб хабар беради «Корреспондент.net».
У туғилган кунини Италиянинг Вербания шаҳридаги икки хонали уйида ўтказди. «Мен яхшиман, шундай экан мен сизлар билан қоламан», — деди у уйига келган меҳмонларга.
Бир йил аввал The New York Times газетасига берган интервьюсида у ўзининг узоқ яшаш сири ҳақидаги саволга жавоб берар экан, 1938 йилда етти ойлик боласининг ўлимидан сўнг золим эрини ташлаб кетганлигини сўзлаб берган эди.
Иккинчи сабаб қилиб у ўз рационига учта тухумни киритганлигини маълум қилди. Аёл 20 ёшлигида шифокорлар унда камқонликни аниқлаб, ҳар куни иккита хом ва битта қайнатилган тухум истеъмол қилишни тавсия қилган эди. Морано бу қоидага ҳозиргача амал қилиб келмоқда.
Изоҳ (0)