Хитойлик эркак чангютгич ёрдамида Пекиндаги заҳарланган ҳаводан чанг зарраларини йиғиб олди ва ундан ғишт ясади, дея хабар бермоқда «РИА Новости». У бу билан экология муаммоларига жамоатчилик эътиборини қаратмоқчи бўлди.
Пекинга Шэньчжэндан келган эркак 100 кун давомида шаҳарнинг бизнес-туманида қўлида кучли чангютгич кўтариб, заҳарли ҳавода чанг зарраларини йиғиб юрди. Охир-оқибат, исми ошкор этилмаётган эркак тўпланган чангни ғишт шаклида пресслади.
Чангни тўплаш учун у тўрт кун бир марта олган қуввати билан ишлаш ҳамда 62 киши бир кунда нафас оладиган ҳажмдаги ҳавони тортиб олишга қодир чангютгичдан фойдаланган.
Хитойдаги ҳаво сифатини назорат қилувчи Air Quality дастури маълумотларига кўра, ўпкага кириши мумкин бўлган майда заррачалар концентрацияси даражаси Пекинда 30 ноябрь куни бир кубометрда 480 микрограммга етган. Жаҳон соғлиқни сақлаш ташкилоти томонидан тавсия қилинадиган хавфсиз даража эса бир кубометрга 25 микрограммдир.
Изоҳ (0)