Тожикистонда барча валюта айирбошлаш шохобчалари ёпилади. «Газета.ru» хабарига кўра, эндиликда валюта операциялари банкларнинг хизмат кўрсатиш марказларида, молия муассасалари филиаллари ва кредит ташкилотларининг бош идораларида амалга оширилиши шарт.
Хабар беришларича, ушбу чоралар Тожикистон Миллий банки раҳбарияти томонидан қабул қилинган «Хорижий валюта иштирокида валюта операцияларини амалга ошириш тартиби тўғрисида»ги йўриқномага асосан кўрилмоқда.
Тожикистонликлар энди валюталарни юқорида қайд этилган муассасаларда айирбошлашга мажбур. Бу каби савдоларни бошқа жойларда амалга ошириш ноқонуний ҳисобланади, валюта сотган ҳам, сотиб олган ҳам бир хилда қонун олдида жавобгар бўлади.
Аввалроқ Тожикистон парламенти амалдорларга чет элда ҳисоб-рақамларга эгалик қилишни тақиқлагани маълум бўлганди.
Изоҳ (0)