Индонезиялик терговчилар Малайзиянинг Air Asia авиакомпаниясига тегишли Airbus A320-200 лайнери қулаши сабабларини маълум қилди. Бу ҳақда, Reuters агентлигига асосланиб, «Газета.ru» хабар бермоқда.
Тергов маълумотларига кўра, борт компьютеридаги носозлик ва ушбу носозликни бартараф этишга ҳаракат қилган экипажнинг нотўғри ҳаракатлари фожиага сабаб бўлган.
«Экипажнинг ҳаракатлари самолётни одатий курсдан чиқариб, узоқ вақт давомида ирғитиш ҳолатида туриб қолишига сабаб бўлган, учувчилар самолётни бу ҳолатдан қайтариб чиқара олмаган», — дейилади Индонезия миллий транспорт хавфсизлиги қўмитаси баёнотида.
Аввалроқ Air Asia’нинг ҳалокатга учраган самолёти йўловчиларининг қариндошлари авиакомпания ва Airbus концерни устидан судга шикоят қилгани маълум бўлганди.
Малайзиянинг Air Asia авиакомпаниясига тегишли, Индонезиянинг Сурабая шаҳридан Сингапурга парвоз қилаётган Airbus A320-200 лайнери 2014 йилнинг 28 декабрь куни ҳалокатга учраган эди. Лайнер бортида 162 киши бўлган. Самолёт Калимантан ороли яқинида, Ява денгизига қулаган.
Изоҳ (0)