Ўзбекистон Республикаси Президенти Ислом Каримов 2015 йил 26 ноябрь куни Хайрулло Ҳайитбоевич Бозоровни Наманган вилояти ҳокими лавозимига тайинлаш тўғрисида фармонни имзолади, деб хабар қилади ЎзА.
Хайрулло Бозоровнинг номзоди халқ депутатлари Наманган вилоят Кенгашининг қарорига мувофиқ тасдиқланди.
Ўзбекистон Республикаси Президенти фармонига мувофиқ Баҳодир Турсунович Юсупов Наманган вилояти ҳокими лавозимидан озод этилди.
Наманган вилояти ҳокимлиги сайти маълумотларига кўра, 39 ёшли Хайрулло Бозоров 2014 йилдан вилоятдаги Мингбулоқ тумани ҳокими сифатида ишлаб келаётганди, бунгача 2009—2014 йилларда Чуст тумани ҳокими, 2008—2009 йилларда Учқўрғон тумани ҳокими, 2007—2008 йилларда эса вилоят ҳокимининг иқтисодий ва ижтимоий ривожлантириш масалалари бўйича ўринбосари лавозимларида фаолият кўрсатган.
Хайрулло Бозоров Наманган саноат-технология институтини иқтисодчи-менежер мутахассислиги бўйича тамомлаган; Ўзбекистон Олий Мажлиси Сенатининг Бюджет ва иқтисодий ислоҳотлар масалалари қўмитаси аъзоси.
Изоҳ (0)