Тошкент шаҳар ИИББ Хорижга чиқиш, келиш ва фуқароликни расмийлаштириш бошқармаси марказ бошлиғи, майор Санжар Қосимов биометрик паспорт олиш муддати 2017 йилгача узайтирилиши ҳақидаги гап-сўзларни рад этди. Бу ҳақда «Даракчи» газетаси хабар бермоқда.
Унинг таъкидлашича, аҳоли орасида тарқалган «биометрик паспорт олиш муддати 2017 йилгача узайтирилар экан», деган миш-мишлар асоссиз». «Ҳали бу борада бирорта расмий ҳужжат қабул қилингани йўқ», — дейди майор Қосимов.
Санжар Қосимовнинг қўшимча қилишича, ҳозиргача Ўзбекистон фуқароларининг аксарияти янги биометрик паспортлар билан таъминланган, бироқ газета хабарида бу борада рақамлар келтирилмаган.
Маълумот учун, Ўзбекистон Президентининг 2011 йил 5 январдаги фармонига мувофиқ, амалдаги Ўзбекистон фуқароси паспорти 2015 йил 31 декабргача ҳақиқий ҳисобланади.
Изоҳ (0)