АҚШнинг Индиана штатида ўгай онасини ўлдирган 12 ёшли қиз буни тасаввурдаги масхарабознинг буйруғига биноан амалга оширганини маълум қилди. Мазкур жиноят Элкхарт округи пойтахти Гошенда июль ойида содир бўлди. Исми ошкор этилмаётган ўсмир ўгай онаси Мария Торресга пичоқ урган ва у ўша жойнинг ўзида ҳаётдан кўз юмган, дея хабар беради WSBT 22 телеканали.
Сўроқ чоғида мактаб ўқувчиси ўгай онасини ўлдиришга сирли ҳодисалар ҳақидаги Creepypasta сайти қаҳрамони бўлган тўқима масхарабоз — Laughing Jack давъат этганини билдирган. 18 ноябрь, чоршанба куни эълон қилинган суд ҳужжатларидан аён бўлишича, ўсмирда шахснинг иккига бўлиниш аломатлари аниқланган. Тергов давомида қиз қотилликдан бир неча ой олдин отасидан ёрдам беришини ўтиниб сўрагани маълум бўлди.
Психиатрлар вояга етмаган жиноятчини жазога тортиш мумкин эмаслигини билдириб, руҳий касалликлар муассасига даволаниш учун жўнатишни маслаҳат берган. Бироқ ҳозиргача 16 та клиника бундан бош тортган. Ҳозир қиз Гошендаги вояга етмаганлар тергов изоляторида сақланмоқда.
Изоҳ (0)