Фарғона вилоятида «Кексаларни эъзозлаш йили» Давлат дастури ижроси доирасида жорий йилнинг 9 ойида 548,1 миллиард сўм, 18,3 миллион доллар миқдорида маблағ сарфланди, деб хабар беради ЎзА.
Вилоятда 350 мингга яқин кекса, 131 нафар юз ёшдан ошган қариялар истиқомат қилади.
Иккинчи жаҳон уруши қатнашчилари ва меҳнат фронти фахрийлари, якка-ёлғиз кексалар ҳамда ижтимоий ҳимояга муҳтож оилаларни қўллаб-қувватлаш бўйича вилоятда аниқ режа ва тадбирлар белгиланган бўлиб, ижроси тўлиқ таъминланмоқда. Ёлғиз кексалар ва кам таъминланганларга моддий ёрдам кўрсатилди. 305 нафар Иккинчи жаҳон уруши қатнашчисига Ўзбекистонда ишлаб чиқарилган замонавий телевизорлар совға қилинди. Ўзгалар парваришига муҳтож, эҳтиёжмандларга ётоқхона мебеллари олиб берилди.
«Маҳалла» хайрия жамоат фондининг шаҳар ва туман бўлинмалари томонидан юз билан юзлашган нуронийларга эҳтиром кўрсатилиб, уй-жойини таъмирлашга кўмаклашилди. 8 мингдан ортиқ кекса чуқурлаштирилган тиббий кўрикдан ўтказилди. Жорий йилнинг ўтган даврида 500 дан ортиқ уруш ва меҳнат фронти фахрийси амбулатор, стационар ва уй шароитида соғломлаштирилди. Нуронийларни тиббий текширувдан ўтказишда минтақавий тиббиёт муассасаларида диагностика ва даволашнинг кўплаб янги усуллари амалиётга жорий этилди.
«Ҳеч ким меҳр ва эътибордан четда қолмасин!» шиори остида ўтказилаётган саломатлик ҳафталикларида кексаларга ўз соғлиғини асраш бўйича зарур тавсиялар берилмоқда.
Изоҳ (0)