Ўзбекистон Марказий банки 2015 йил 17 ноябрдан бошлаб валюта операциялари бўйича бухгалтерия ҳисоби, статистик ва бошқа ҳисоботларни юритиш, шунингдек, божхона ва бошқа мажбурий тўловлари учун хорижий валюталарнинг сўмга нисбатан янги қийматларини белгилади.
Унга кўра, 1 АҚШ доллари 2721 сўм 12 тийин этиб белгиланди. Бу 10 ноябрдаги курсга нисбатан 14 сўм 53 тийинга юқори. Қайд этиш жоиз, Ўзбекистонда долларнинг расмий курси кетма-кет еттинчи ҳафта камида 14 сўмга қимматламоқда. Бунгача курс 4—6 сўм атрофида юқорилаб бораётган эди.
Шунингдек, 17 ноябрдан эътиборан 1 евро қиймати 2931 сўм 74 тийин (10 ноябрдаги курсга нисбатан 33 сўм 85 тийин арзон), 1 Россия рубли эса 40 сўм 84 тийин (10 ноябрдаги курсга нисбатан 1 сўм 66 тийин арзон) этиб белгиланган.
Эслатиб ўтамиз, валюта қийматини белгилаш чоғида Марказий банк мазкур валюталарни ушбу қийматда сотиш ёки сотиб олиш мажбуриятини олмаган.
Изоҳ (0)