Парижга ҳужум қилганлар 7 киши бўлган, улар гуруҳларга бўлинган
Парижга ҳужум қилганлар етти киши бўлган, улар гуруҳларга бўлиниб иш кўрган, концерт залида одамларни гаровга олганлар дастлаб Парижнинг бошқа туманларида отишмалар уюштирган. Бу ҳақда iTele телеканалига таяниб, «РИА Новости» хабар бермоқда.
Телеканал хабарига кўра, «гап аниқ етти нафар марҳум террорчи ҳақида бормоқда». «Уч киши Stade de France стадионида ўзини портлатган, яна уч киши Bataclan концерт залида ҳалок бўлган: бирини полициячилар ўлдирган, икки нафари ўзини портлатган. Яна бир террорчи эса Bataclan яқинидаги Ленуар хиёбонида ўзини портлатган», — деди телеканал мухбири.
Унинг таъкидлашича, ҳужумда қатнашганларнинг барчаси ҳалок бўлган. Уларнинг жиноий шериклари бўлган-бўлмаганини ҳозирча айтиш қийин. Террорчилар ёш йигитлар бўлган ва француз тилида суҳбатлашган.
Изоҳ (0)