Ҳар қандай киши ўзига қўнғироқ қилган нотаниш рақам кимга тегишли эканлигини уни Facebook’даги қидирув тизимига киритиш орқали аниқлаши мумкин бўлди, деб ёзади TJournal. Бу имконият янги бўлмаса-да, яқинда унга ижтимоий тармоқнинг кўплаб фойдаланувчилари эътибор қаратди.
Энди фойдаланувчилар ўз рақамини ижтимоий тармоқдан ўчириш йўлини қидиришга киришди.
Нашр ушбу имкониятни текшириб кўриб, ҳақиқатан ҳам Facebook’да одамни телефон рақами бўйича қидириб топиш мумкинлигини аниқлади, бироқ бунинг учун рақам профилга бириктирилган бўлиши керак. Бунинг олдини олиб бўлмайди, аммо фойдаланувчининг қўлидан келадиган ягона нарса шахсийлик даражасини ўзгартиришдан иборат, яъни «ҳамма кўриши мумкин» деган бандни «фақат дўстлар учун»га ўзгартириш лозим.
Телефон рақами бўйича қидирувдан бутунлай холи бўлиш учун уни созламалар орқали аккаунтдан олиб ташлаш керак. Лекин бу ҳолда киши бу рақам орқали кира олмайди, шунингдек, телефонига пароль ва кодлар ўзгаргани ҳақида билдиришномалар келмайди.
Изоҳ (0)