Apple компанияси интернетнинг кириллча ҳудудида доменга эга бўлди, деб ёзади «Hi-tech.mail.ru». «Эппл.РУС» ҳозирча ҳеч қайси сайтга олиб бормайди, бироқ WHOIS маълумотига кўра домен Apple компанияси номидан рўйхатга киритилган.
Apple’дагилар ишлаб чиқарувчининг Россиядаги расмий портали тез орада янги манзил бўйича ишга тушишини таъкидламоқда.
Ушбу домен Apple’да «.РУС» ҳудудидаги бирламчи рўйхатга олишнинг иккинчи босқичи доирасида пайдо бўлди. Шу даврнинг ўзида 27 та Россия ва хориж брендлари кириллча доменларга эга бўлди. Apple’дан ташқари, булар Amazon, Rolex, «1С» ва бошқалардир.