Сўнгги бир неча кундан бери «Дарё» муштарийларида сайтга кириш, хабарларни ўқиш билан боғлиқ қийинчиликлар юзага келаётганидан хабаримиз бор. Худди шундай носозликлар сайтга ахборот жойлаштириш жараёнида ҳам юзага келмоқда, вақти-вақти билан сайтнинг ишламай қолиши ҳолатлари кузатилмоқда.
Айни вақтда «Дарё»га бир кунда 150 мингдан ортиқ, бир ойда эса 700 мингдан зиёд муштарий ташриф буюрмоқда, бир кунлик ўртача саҳифа кўришлар сони эса бир миллиондан ошиб кетган. Ҳозирда ташрифчиларнинг эҳтиёжларини тўлароқ қондириш мақсадида сайт серверлари қаторига яна бир неча кучли серверларни жойлаштириш бўйича ишлар олиб борилмоқда.
«Техник носозликларга қарамай, сайтимизни ўқишда ва ўз яқинларига тавсия этишда давом этаётган муштарийларимизга миннатдорчилик билдирамиз. Юзага келган ноқулайликлар учун узр сўраймиз», — деди «Дарё» лойиҳаси раҳбари Фарҳод Файзуллаев.
Янгиликлар «Дарё»сидан узоқлашманг!
Изоҳ (0)