Футбол бўйича Ўзбекистон миллий терма жамоаси бош мураббийи Самвел Бабаян 2018 йилги жаҳон чемпионати саралаши доирасидаги КХДРга қарши 12 ноябрь куни бўладиган ўйин учун 23 футболчидан иборат таркибини эълон қилди. Бу ҳақда Ўзбекистон Футбол Федерацияси матбуот хизмати хабар бермоқда.
Таркибдан ўрин олган тўққиз нафари Россия (Одил Аҳмедов, Виталий Денисов), Украина (Санжар Турсунов), Қозоғистон (Александр Гейнрих), Жанубий Корея (Сервер Жепаров), Хитой (Анзур Исмоилов), Эрон (Фозил Мусаев), БАА (Азиз Ҳайдаров), Қатар (Сардор Рашидов) клубларида тўп сураётган ўзбекистонлик футболчилардир. Тўлиқ таркиб қуйидагича:
Дарвозабонлар — Александр Лобанов («Пахтакор»), Муроджон Зухуров («Бунёдкор»), Игнатий Нестеров («Локомотив»);
Ҳимоячилар — Даврон Хошимов («Пахтакор»), Егор Кримец («Пахтакор»), Анзур Исмоилов («Чангчун Ятай», Хитой), Ислом Тўхтахўжаев («Локомотив»), Камолиддин Тожиев («Пахтакор»), Виталий Денисов («Локомотив», Россия);
Ярим ҳимоячилар — Одил Аҳмедов («Краснодар», Россия), Сервер Жепаров («Улсан», Жанубий Корея), Азиз Ҳайдаров («Аш-Шабоб», БАА), Фозил Мусаев («Сепаҳон», Эрон), Сардор Рашидов («Ал-Жайиш», Қатар), Санжар Турсунов («Ворскла», Украина), Станислав Андреев («Пахтакор»), Жавоҳир Соҳибов («Пахтакор»), Жасур Ҳасанов («Локомотив»), Санжар Шоаҳмедов («Локомотив»);
Ҳужумчилар — Марат Бикмаев («Локомотив»), Игорь Сергеев («Пахтакор»), Элдор Шомуродов («Бунёдкор»), Александр Гейнрих («Ордабаси», Қозоғистон).
Ўзбекистон — КХДР учрашуви Тошкентдаги «Пахтакор» марказий стадионида бўлиб ўтади. Ўйин 18:00 да бошланади. Баҳсни Алиризо Фағоний бошчилигидаги эронлик ҳакамлар бригадаси бошқариб боради.
Эслатиб ўтамиз, айни вақтда «H» саралаш гуруҳида КХДР терма жамоаси бешта ўйинда 13 очко тўплаган ҳолда пешқадам бўлиб турибди. Ўзбекистон эса гуруҳдаги рақибларидан бир ўйин кам ўтказган ҳолда 9 очко билан иккинчи ўринда бормоқда.
Изоҳ (0)