Ҳиндистонда ҳалок бўлган ўзбекистонлик парапланчи — Константин Требисовскийнинг яқинларидан бири Алексей Волков Facebook ижтимоий тармоғи орқали жамоатчиликка мурожаат қилди.
«Асоссиз равишда ҳукумат тузилмаларини қандайдир ҳаракатсизлик ёки шунга ўхшаш нарсаларда айблашни кераги йўқ. Аксинча, Ўзбекистоннинг Ҳиндистондаги элчихонаси Константиннинг жасадини Ҳиндистондан эвакуация қилиш бўйича ҳамма ишларда жуда катта ёрдам берди. Шунингдек, «Ўзбекистон ҳаво йўллари»нинг барча расмийлари ҳам катта кўмак кўрсатди», — дейди Требисовскийнинг яқини.
«Турли миш-мишларнинг пайдо бўлиши спортимизни орқага тортиши мумкин, ваҳоланки, Константин унинг ривожидан фақат қувонарди. Бундан ташқари, миш-мишлар унинг оиласи ва яқинларини ҳам хавотирга солади. Илтимос, асоссиз, чала, нотўғри ахборотларни чоп этишдан тийилинг», — деб ёзади Алексей Волков.
Эслатиб ўтамиз, аввалроқ Ҳиндистонда ўзбекистонлик парапланчи Константин Требисовский ҳалок бўлгани, спортчининг дўстлари унинг жасадини Ўзбекистонга олиб келишда кўмак бера оладиган барчадан ёрдам сўрагани ҳақида хабар берилган эди.
Изоҳ (0)