Тошкентда Ўзбекистондаги ва минтақадаги биринчи Политехника музейи очилди, у транспорт ривожланиши тарихи, фан ва техника, буюк олимлар ихтироларига бағишланган. Бу ҳақда «Газета.uz» хабар бермоқда.
«Ўзавтосаноат» компаниясининг янги биносида жойлашган музей экспозицияси учта бўлимдан иборат, булар: «Жаҳон автомобилсозлик тарихи», «Ўзбекистон автомобиль соҳаси тарихи» ва «Интерактив амалиёт».
Биринчи бўлимда ҳақиқий «Фольксваген қўнғизи», «Москвич-400», ГАЗ-13 «Чайка» ва жаҳон автомобилсозлигининг бошқа шоҳ асарлари намойиш этилади.
Ўзбекистон автомобиль соҳаси тарихи ҳақидаги бўлимда эса маҳаллий автосаноат тараққиётининг муҳим лаҳзалари акс этади. Бу ерда General Motors заводи конвейеридан турли йилларда чиққан илк автомобилларни кўриш мумкин.
«Интерактив амалиёт» бўлимида фан ва техника оламига саёҳат қилиш, математика, физика, астрономия бўйича билимларни яхшилаш имконияти бор.
Музейнинг иш режими қуйидагича:
1-қават («Жаҳон автомобилсозлик тарихи», «Ўзбекистон автомобиль соҳаси тарихи») — 10:00 дан 18:00 гача, чипта нархи — 5000 сўм (экскурсия хизмати бир киши учун 1500 сўм).
2-қават («Интерактив амалиёт») — сеанслар 10:00, 12:00, 14:00, 16:00 да, чипта нархи 15 минг сўм.
Изоҳ (0)