АҚШнинг Сан-Франциско округ суди Apple компаниясига офисда ўғирлик содир бўлмаслиги учун ходимлари сумкасини текшириб кўришига рухсат берди. Бу ҳақда Slon хабар бермоқда.
Шу йил июль ойида компаниянинг 12 минг нафар ходими томонидан судга жамоавий даъво киритилганди. Унда Apple раҳбарияти меҳнат қонунчилигини бузишда айбланган ва тинтувга кетган вақт учун товон тўланиши талаб қилинган. Мазкур даъвода 60 миллион доллар миқдоридаги товон сўралгани айтилмоқда.
Бу Apple ходимларининг доимий текширувлардан норозилик сифатидаги учинчи даъвоси эди. Компания вакиллари ҳозирча мазкур ҳолат юзасидан изоҳ бермаган.
Изоҳ (0)