АҚШда «Газпром-медиа» собиқ раҳбари Михаил Лесин ўлими ҳолати бўйича текширув ўтказилади. Бу ҳақда ABC News каналига Колумбия федерал округи полицияси маълум қилди, деб ёзади «Эхо Москви».
Полиция департаменти нима сабабдан россиялик медиаменежер ўлими юзасидан текширув олиб боришга қарор қилгани ошкор этилмаяпти.
Эслатиб ўтамиз, Россия Федерацияси матбуот ишлари бўйича собиқ вазири Михаил Лесин 5 ноябрь, пайшанба куни Вашингтонда вафот этди. 5 ноябрь куни эрталаб у тўхтаган шаҳар марказидаги «Дюпон сёркл» меҳмонхонаси хизматчиси уни ўлик ҳолда топган.
Изоҳ (0)