АҚШда икки полициячи 6 ёшли болани ўлдиришда айбланди

АҚШнинг Луизиана штати Марксвилл шаҳрида ҳибсга олиш чоғида олти ёшли болани отиб қўйиб, унинг отасини яралаган икки полициячи қотилликда айбланди, дея хабар бермоқда «ТАСС» маҳаллий ОАВларга таяниб.

32 ёшли Деррик Стаффорд ва 23 ёшли Норрис Гринхаус марксвиллик Крис Фьюнинг автомобилини таъқиб этган ва унинг машинасига қарата ўт очган. Натижада Фью кўп сонли жароҳатлар олди, унинг йўловчи ўриндиғида ўтирган ўғли эса олган шикастланишларидан вафот этди. Полициячиларда Фьюни қўлга олиш ҳақида ордер бўлган.

Ҳодисадан сўнг полициячилар ҳибсга олинди. Улар қотиллик ва иккинчи даражали қотилликка суиқасдда айбланмоқда.