Британияда «селфивандлик»ни даволовчи дори сотила бошлади

Британиянинг «AntiSelfieTabs.com» интернет-дўконида «селфивандлик»дан азоб чекувчилар учун ҳапдорилар сотувга чиқди, дея хабар бермоқда Metro.

Ялпиз таъмли дорилар даволовчи хусусиятга эга эмас, улар фақат нафасни тозалайди, бироқ ўзларини жуда кўп суратга оладиган кишилар учун ҳазиломуз совғага айланиши мумкин.

Дорининг тавсифида унинг хусусиятлари санаб ўтилган, булар хусусан, арзон нарх, ўзига хослик ва янгилик, шунингдек, аноним равишда жўнатиш имкониятидир. Селфига ишқибозликдан халос бўлиш учун аёлларга бир кунда учтадан, эркакларга иккитадан «дори» қабул қилиш тавсия этилган.