AQShning San-Fransisko okrug sudi Apple kompaniyasiga ofisda o‘g‘irlik sodir bo‘lmasligi uchun xodimlari sumkasini tekshirib ko‘rishiga ruxsat berdi. Bu haqda Slon xabar bermoqda.
Shu yil iyul oyida kompaniyaning 12 ming nafar xodimi tomonidan sudga jamoaviy da’vo kiritilgandi. Unda Apple rahbariyati mehnat qonunchiligini buzishda ayblangan va tintuvga ketgan vaqt uchun tovon to‘lanishi talab qilingan. Mazkur da’voda 60 million dollar miqdoridagi tovon so‘ralgani aytilmoqda.
Bu Apple xodimlarining doimiy tekshiruvlardan norozilik sifatidagi uchinchi da’vosi edi. Kompaniya vakillari hozircha mazkur holat yuzasidan izoh bermagan.
Izoh (0)