Ироқ пойтахтида юз берган учта портлаш натижасида камида тўққиз киши ҳалок бўлди, 15 киши жабрланди. Бу ҳақда «ТАСС» Reuters маълумотига таяниб хабар беради.
Нашрнинг маълум қилишича, биринчи портлаш Бағдоддан 25 километр шимолда юз берди. Оқибатда беш нафар ҳуқуқ-тартибот ходими ва тинч аҳоли қурбон бўлди.
Иккинчи портлаш пойтахтнинг шимоли-ғарбий қисмида содир бўлиб, икки кишини ҳаётдан олиб кетди. Тўққиз киши жабрланди.
Яна бир портлаш Бағдоддан жанубда юз берди. Натижада бир киши ҳалок бўлди, олти киши жабрланди.
Изоҳ (0)