Иқтисодий ҳамкорлик ва тараққиёт ташкилоти (ИҲТТ) мамлакатларида умр кўриш давомийлиги ўртача 80,5 ёшга етди. Бу ҳақда ташкилот томонидан тайёрланган маърузада маълум қилинган, дея хабар беради «РБК».
1970 йилдан 2013 йилгача умр давомийлиги 10 йилдан кўпроққа ошган. Ташкилот маълумотларига кўра, энг узоқ умр кўрувчилар Японияда яшайди (83,4 ёш). Кейинги ўринларда Испания ва Швейцария (тегишли равишда 83,2 ва 82,9 ёш) ва Франция (82,8 ёш) қайд этилган.
Маърузада нафақат ташкилотга аъзо, балки бир қатор шерик давлатлардаги кўрсаткичлар ҳам келтирилган. Масалан, Россия 45 давлатдан иборат рўйхатда 70,7 ёш билан 43-ўринда турибди. Охирги ўринларда Ҳиндистон (66,5 ёш) ва Жанубий Африка республикасини (56,8 ёш) кўриш мумкин.
Ҳужжатдан маълум бўлишича, тадқиқотлар ўтказилган барча мамлакатларда аёллар эркакларга нисбатан бир неча йил кўпроқ яшар экан.
Маърузада ўлим сабаблари бўйича маълумотлар ҳам келтирилган. Ривожланган давлатларда кишилар энг кўп юрак-қон-томир ва саратон касалликлари оқибатида ҳаётдан кўз юмади.
Изоҳ (0)