3 ноябрь оқшомида Европа Чемпионлар Лигасида гуруҳ босқичининг 4-тур доирасидаги бир қатор учрашувлар бўлиб ўтди, деб хабар беради «Оламспорт».
Марказий ўйин «Сантьяго Бернабеу» стадонида Мадриднинг «Реал» ҳамда Франция чемпиони «Пари-Сен-Жермен» жамоалари ўртасида ўтказилди. Унда Начо томонидан киритилган ягона гол Испания грандига муҳим уч очкони келтирди. Ушбу ғалабадан сўнг мадридликлар муддатидан аввал нимчорак финалга чиқди.
«Манчестер Юнайтед» клуби ўз майдонида қийинчилик билан бўлса-да, Москванинг ЦСКА жамоасини таслим этди. Ягона гол 79-дақиқада «қизил иблислар» сардори Уэйн Руни томонидан киритилди. Қозоғистон чемпиони «Астана» ўз уйида Мадриднинг «Атлетико» клуби билан дуранг қайд этди. Учрашувда ҳисоб очилмади.
Турнирнинг плей-офф босқичига йўл олган иккинчи жамоа «Манчестер Сити» бўлди. Манчестер шаҳри клуби бу турда «Севилья» майдонида ғалаба қозонди.
ЕЧЛ, 4-тур.
A гуруҳи Шахтёр (Украина) – Мальмё (Швеция) 4:0 Голлар: 1:0 – 29 Гладкий, 2:0 – 48, пенальти Срна, 3:0 – 55 Эдуардо, 4:0 – 73 Тейшейра.
Реал Мадрид (Испания) – ПСЖ (Франция) 1:0 Гол: 1:0 – 35 Начо.
B гуруҳи Манчестер Юнайтед (Англия) – ЦСКА (Россия) 1:0 Гол: 1:0 – 79 Руни.
ПСВ (Голландия) – Вольфсбург (Германия) 2:0 Голлар: 1:0 – 55 Локадия, 2:0 – 86 де Йонг.
C гуруҳи Астана (Қозоғистон) – Атлетико (Испания) 0:0
Бенфика (Португалия) – Галатасарой (Туркия) 2:1 Голлар: 1:0 – 52 Жонас, 1:1 – 58 Подольски, 2:1 – 67 Луизао.
D гуруҳи Боруссия М (Германия) – Ювентус (Италия) 1:1 Голлар: 1:0 – 18 Жонсон, 1:1 – 44 Лихтштайнер.
Севилья (Испания) – Манчестер Сити (Англия) 1:3 Голлар: 0:1 – 8 Стерлинг, 0:2 – 11 Фернандиньо, 1:2 – 25 Тремулинас, 1:3 – 36 Бони.
Изоҳ (0)