Халқ депутатлари Тошкент шаҳар кенгашининг 14 октябрдаги қарорига мувофиқ, Ўзбекистон пойтахтидаги бир қатор географик объектларнинг номлари тартибга келтирилди. «Газета.uz» хабарига кўра, ҳужжат (PDF) шаҳар ҳокимлиги сайтида эълон қилинган.
Қарорга асосан, Миробод туманидаги Чехов кўчаси, «кўча номини тартибга келтириш мақсадида», фидойи, садоқатли маъносида ишлатилувчи Фидокор номи билан қайта номланди.
Яккасарой туманидаги сўнгги йилларда номсиз қолаётган собиқ Театр майдони, 2015 йил ёзида бу ерга рус шоири Пушкиннинг ҳайкали кўчирилгани муносабати билан, Пушкин майдонига айланди.
Бундан ташқари, бир қатор янги номсиз кўчалар, тор кўчалар ва берк кўчаларга ҳам ном берилди. Хусусан, Олмазор туманидаги «Ҳислат» маҳалласида Ҳислатобод кўчаси пайдо бўлган бўлса, Чилонзор туманидаги «Чўпонота» маҳалласидаги кўчага Иззаариқ деб ном берилди.
Изоҳ (0)