O‘zbekiston tadbirkorlik faoliyatini tartibga solishning yaxshilanishi bo‘yicha yetakchi mamlakatlar o‘ntaligiga kirdi, deya xabar bermoqda “Review.uz”.
Ushbu ma’lumot 30-oktabr kuni Jahon bankining Toshkentdagi vakolatxonasida bo‘lib o‘tgan Jahon banki “Biznesni yuritish 2016: boshqaruv sifati va samaradorligini baholash” hisoboti taqdimotida eshittirildi.
O‘zbekiston hukumati oddiy onlayn-registratsiyani joriy qilish va ro‘yxatga olish qoidalarini tartibga solish orqali yangi korxonalarni ro‘yxatdan o‘tkazish jarayonini soddalashtirdi.
Ta’minlangan shartnomalar haqida qator qonunlar qabul qilinib, kredit mablag‘larini qo‘lga kiritish imkoniyati yaxshilandi.
Eslatib o‘tamiz, Jahon banki guruhi 27-oktabr kuni “Biznesni yuritish 2016: boshqaruv sifati va samaradorligini baholash” ma’ruzasini e’lon qildi. Unda O‘zbekiston 189 ta davlat ichida o‘tgan yilgi 103-o‘rindan 16 pog‘ona — 87-o‘ringacha ko‘tarildi. Hisob bo‘yicha o‘n uchinchi “Biznesni yuritish” ma’ruzasida tadbirkorlik faoliyatini kengaytirish imkonini beruvchi va uni cheklovchi huquqiy me’yorlar baholanadi. Tahlil xususiy korxonalar hayotiy siklining 11 ta sohasi bo‘yicha olib borildi.
Izoh (0)