Мисрда қулаган Россиянинг «Когалимавиа» авиакомпаниясига тегишли самолёт авиаҳалокат натижасида тўлиқ вайрон бўлган. Бу ҳақда, Reuters агентлигига асосланиб, «Газета.ru» хабар бермоқда.
Reuters’нинг ҳодиса жойида ишлаётган Миср шошилинч хизматлари вакилига асосланиб қайд этишича, дастлабки маълумотларга кўра, самолёт бортида бўлган барча йўловчилар ҳалок бўлган.
Эслатиб ўтамиз, 31 октябрь, шанба куни Sinaй яримороли шимолида «Когалимавиа» авиакомпаниясининг Шарм-аш-Шайхдан Санкт-Петербургга учаётган самолёти қулади. Flightradar24 маълумотларига кўра, самолёт қулашдан аввал парвоз баландлигини кескин пасайтирган.
Самолёт бортида 214 нафар йўловчи ва экипажнинг 7 нафар аъзоси — жами 224 киши бўлган. Йўловчиларнинг 17 нафари болалар экани айтилмоқда.
Изоҳ (0)