Йил бошидан буён Европага Ўртаер денгизи орқали 724 228 нафар муҳожир ва қочоқлар кириб келди. Бу ҳақда Халқаро миграция ташкилотига таяниб, «ТАСС» хабар бермоқда.
Энг кўп — 579 мингдан ортиқ кишини Греция қабул қилди. Иккинчи ўринни Италия эгаллади, у ерга 140 мингдан зиёд киши етиб келган.
Ташкилот маълумотларига кўра, 27 октябрдан буён Европада муҳожир ва қочоқлар сони қарийб 20 минг кишига ошган. Бундан ташқари, йил бошидан бери 3329 киши Европа соҳилларига етиб олишга уриниш чоғида денгизда ҳалок бўлган.
Изоҳ (0)