Ўзбекистондаги GM Uzbekistan қўшма корхонаси томонидан Жанубий Корея бренди остида чиқариладиган Daewoo Matiz автомобили Россия бозоридаги энг арзон енгил машиналар рейтингида етакчилик қилди, дея хабар бермоқда «Новости Узбекистана» газетаси.
Айни пайтда Daewoo Matiz’ни Россияда 314 минг рубл (4,8 минг доллар)дан бошланадиган нархда сотиб олиш мумкин. Ҳозирда машина аввалги Daewoo бренди остида ҳам, янги Ravon бренди остида ҳам сотилмоқда.
Рейтингда иккинчи ўринни седан кузовидаги Lada Granta (340 минг рубль — 5,25 минг доллар), учинчи поғонани лифтбэк кузовидаги Lada Granta (357 минг рубль — 5,5 минг доллар) эгаллади.
Юқори бешликка, шунингдек, Хитойнинг Lifan Smily хетчбэки (370 минг рубль — 5,7 минг доллар) ва Lifan Solano (380 минг рубль — 5,87 минг доллар) автомобили кирди.
Изоҳ (0)