Volkswagen автоконцерни 2015 йилнинг учинчи чораги якунига кўра 3, 48 миллиард евро миқдорида зарар кўрди. Бу ҳақда «РБК» хабар бермоқда.
Компания 1,73 миллиард евро миқдорида соф зарар кўрган, бир йил аввал худди шу даврда компания соф фойдаси 2,93 миллиард еврони ташкил этган эди.
Volkswagen вакилларининг маълум қилишича, можаро билан боғлиқ харажатлар сабаб операцион фойда кўрсаткичи ўтган йилги натижалардан «сезиларли кам» бўлади.
Компания жорий йилги савдо кўрсаткичлари ўтган йилги рекорд — 10,14 миллион автомобилни такрорлайди, деб кутмоқда.
Эслатиб ўтамиз, сентябрь ойи охирида Volkswagen’нинг дизел двигателлари атрофида катта можаро келиб чиқди. Компания ўзининг 11 миллион автомобилига ноқонуний дастурий таъминот ўрнатганини тан олди.
Изоҳ (0)