Сурияда вафот этган биринчи россиялик ҳарбий хизматчи, шартнома асосидаги хизматни ўтаган Вадим Костенконинг ота-онаси у билан охирги суҳбати ҳақида сўзлаб берди. Бу ҳақда «Коммерсант.ru» хабар беради.
Аскар ота-онасининг сўзларига қараганда, улар ўғлининг ўз жонига қасд қилганлигига ишонмайди. Охирги марта улар ўғли билан унинг ўлимидан бир кун олдин гаплашган.
Вадим Костенконинг онаси ҳар куни бўлиб ўтадиган телефон орқали суҳбатлар чоғида ўғли жуда хушчақчақ бўлганлигини маълум қилди. Александр Костенко унинг ўғли ҳеч қачон қизни деб ўз жонига қасд қилмаслигини қўшимча қилди.
Эслатиб ўтамиз, Россия Мудофаа вазирлиги Сурияда ҳарбий хизматчи ҳалок бўлганини тасдиқлади. Костенко ҳарбий-ҳаво кучларида хизмат қилган ва самолётларга техник хизмат кўрсатиш билан шуғулланган. Аскарнинг SMS-хабарларини ўқиб чиққан ҳарбийлар, Костенко севган қизи билан келиша олмай қолгани сабаб ўз жонига қасд қилганини аниқлаган эди.
Изоҳ (0)