«Анталяспор» ва «Бешиктош» жамоалари ўртасидаги футбол бўйича Туркия чемпионати учрашуви билан фақат қуёш батареялари ёрдамида ишлайдиган жаҳондаги илк стадион очилиши бўлиб ўтди. Бу ҳақда «Sports.ru» хабар бермоқда.
Ўртаер денгизи соҳилидаги курорт шаҳарда фақат футбол учрашувларини ўтказиш учун мўлжалланган «Анталя Арена» стадионини қуриш ишлари 2013 йил ёзида бошланган эди. Стадион электр таъминоти тўлиқ қуёш нури ҳисобидан амалга оширилади. Қуёш батареялари стадионнинг томига ўрнатилган бўлиб, ҳар бир батарея 7200 киловатт энергия ишлаб чиқаради.
33 минг томошабинга мўлжалланган стадион ўзининг кўриниши билан ҳам эътиборга молик — тўғри тўртбурчак футбол майдони тўлиқ овал иншоотнинг ичида жойлашган. Марказий трибуналар уч қаватли. Стадион шундай лойиҳалаштирилганки, унинг балконларидан туриб, Ўртаер денгизи манзараларини томоша қилиш мумкин.
https://www.youtube.com/watch?v=kXBN3W6Oe_g
Стадион қарийб 35 миллион долларга қурилган. «Анталя Арена» айни вақтда камерунлик 34 ёшли ҳужумчи Самуэл Это’O тўп сураётган маҳаллий «Анталяспор» футбол жамоаси учун уй стадиони вазифасини бажаради.
Изоҳ (0)