Супероғир (90,7 килограммдан оғир) вазн тоифасида рингга чиқувчи Аҳрор Муралимов 24 октябрь, шанба куни АҚШнинг Феникс шаҳрида америкалик Жаррел Миллерга қарши бўлиб ўтган жангда мағлуб бўлди. «12news.uz»нинг ёзишича, бу Муралимовнинг профессионал бокс фаолиятидаги иккинчи мағлубиятдир.
Ўзбекистонлик боксчи жангнинг учинчи раундида Миллернинг ўнг қўлда йўллаган тўғридан-тўғри зарбасини ўтказиб юбориб, нокаутга тушиб қолди ва жангни давом эттира олмади.
Муралимов бунгача 2015 йил февралида америкалик бошқа бир боксчи — Деррик Россига қарши жангда мағлубиятга учраган эди.
Тошкент вилоятининг Ўрта Чирчиқ туманида туғилган 26 ёшли боксчи 2014 йилнинг июлида Пенсильвания штатининг Вашингтон шаҳрида АҚШ чемпиони Жейсон Бергман устидан ғалаба қозониб, NABA USA камари эгасига айланган эди.
Изоҳ (0)