Швеция ОАВлари Трольхэттан шаҳридаги ўрта мактабга ҳужум қилган 21 ёшли йигитнинг исм-шарифини эълон қилди, деб ёзади «Эхо Москви».
Журналистлар маълумотларига кўра, жиноятни Антон Лундин Петерссон амалга оширган. Уни таниган кишилар унинг оғир-вазмин йигит эканлигини, компьютер ўйинларини яхши кўришини айтмоқда.
Шу билан бирга, Петерссон ташриф буюрган интернет-сайтлар таҳлил қилинганида, у ўнг экстремистларга ишқибозлик қилгани, шунингдек, қиролликка муҳожирлар оқими келишини тўхтатиш тарафдори бўлгани ошкор бўлди.
Эслатиб ўтамиз, аввалроқ қилич кўтарган эркакнинг Швециядаги мактабга ҳужуми натижасида икки киши: бир ўқитувчи ва бир ўқувчи ҳалок бўлгани хабар берилган эди.
Ҳодиса Гётеборгдан шимолда жойлашган Трольхэттан шаҳрида юз берган. Ҳужумкорни зарарсизлантириш учун, воқеа жойига етиб келган полициячилар ўт очишга мажбур бўлган. ОАВлар ёзишича, эркак қора кийим кийиб, «Юлдузлар жанги» фильми қаҳрамонининг ниқобини тақиб олган бўлган, шу туфайли мактаб ўқувчилари дастлаб буни ҳазил деб ўйлаган.
Гумонланувчи яраланган, ҳозирда маҳаллий шифохонада даволанмоқда.
Изоҳ (0)