Хитой шарқидаги Шандунь вилоятидаги кимё заводида 21 октябрь, чоршанба куни юз берган портлаш оқибатларини бартараф этиш вақтида тўққиз кишининг жасади топилди. «ТАСС»нинг хабар беришича, портлашдан сўнг улар бедарак йўқолган, деб гумон қилинаётган эди.
Хабар беришларича, фожиа портловчи моддалар ишлаб чиқаришга ихтисослашган Shandong Tianbao Chemical Industry Corporation компаниясининг Пини уездида жойлашган заводида юз берган, ҳодиса оқибатида яна икки киши жабрлангани айтилмоқда.
Ҳозирги вақтда заводдаги қидирув-қутқарув операцияси якунига етган, барча жабрланувчилар касалхоналарга ётқизилган, уларнинг ҳаёти хавф остида эмас. Полиция портлаш сабабларини аниқлаш бўйича суриштирув ишларини олиб бормоқда.
Изоҳ (0)