Ироқда вабо касалига чалинганлар сони 1800 кишидан ошиб кетди. Бу ҳақда мамлакат соғлиқни сақлаш вазирлиги тарқатган баёнотда маълум қилинган, дея хабар беради «ТАСС».
«Бугунги кунга келиб мамлакатда 1809 киши вабо юқтириб олгани маълум, — дейилади мазкур баёнотда. — Касалланганларнинг аксарияти Бағдодда (559 киши) ва Бобил провинциясида (531 киши) қайд этилган. 8 киши хасталик туфайли ҳаётдан кўз юмган, уларнинг ярми пойтахтдан».
Бағдоддан 25 километр узоқликда жойлашган Абу-Ғариб аҳоли пункти вабонинг тарқалиш маркази бўлди. Шифокорларнинг таъкидлашича, ичиш ёки овқат тайёрлаш учун яроқсиз сувдан фойдаланиш касалликка асосий сабаб бўлмоқда. Ҳатто Ироқ пойтахтида ҳам сув билан таъминлаш тармоғи қаровсиз ҳолга келган, кўпгина аҳоли пунктларида эса бундай тизим умуман йўқ.
Вабога қарши кураш учун Ироқ ҳукумати 10 миллиард динор (салкам 8,5 миллион доллар) ажратди. Бу маблағга асосан касаллик тарқалиши олдини олувчи, таркибида хлор бўлган препаратлар харид қилинади.
Изоҳ (0)