Шайх Муҳаммад ибн Рашид ал-Мактумнинг иккинчи ўғли Ҳамдан ибн Муҳаммад ал-Мактум — ижтимоий тармоқларнинг фойдаланувчилари суюклиси бўлиб, улар шаҳзодани Disney мультфильмларидаги Оловуддинга қиёслайди. У 2008 йили, акаси Рашид ибн Муҳаммад тахтдан воз кечганидан сўнг валиаҳдга айланган ва тезда матбуот ёқимтойига айланди, деб ёзади TJ.
Шаҳзода сайёранинг энг ҳавас қиларли бўйдоқларидан бири, хайрия ва эҳсонлари билан танилган, Фазза тахаллуси остида шерлар ёзади ва ҳозирча 2,6 миллион обуначиси бор Instagram саҳифасини юритади.
СпортШаҳзоданинг фотоблоги орқали узатиладиган хоббилари суратлари орасида скайдайвингдан тортиб от спортигача бўлган фаол спорт турларини кўриш мумкин. У от минишни Буюк Британияда ўқиётган вақтида ўрганган бўлиб, кейинчалик кўп марта от спорти мусобақаларида, хусусан, 2014 йили Францияда бўлиб ўтган нуфузли Жаҳон от ўйинларида ғолиб чиққан.
ТехникаШаҳзода вақти-вақти билан ўз коллекциясида баъзи гаджетларни, асосан, фотоаппаратлар, сўнгги русумдаги смартфонлар ва экшн-камераларни намойиш этиб туради.
БолаларРасман шаҳзоданинг фарзанди йўқ. Ҳозирча. Бироқ унинг Instagram’ида бошқа қариндошларининг кўплаб фотосуратларини топиш мумкин. Айниқса Муҳаммад бин Аҳмад Жобир ал-Ҳарбийнинг суратлари тез-тез пайдо бўлиб туради — у 2015 йил июнида Эпсомдаги от пойгалари вақтида Буюк Британия қироличасини олқишлаб, унинг қўлидан тутганидан сўнг, интернетда машҳур бўлиб кетганди.
Сариқ матбуот мунтазам равишда Ҳамдан у ёки бу қизни севиб қолгани ёҳуд унаштирилгани ҳақида ёзади, баъзан унинг қизларга мутлақо бефарқ эканлиги ҳақида хабарлар пайдо бўлиб қолади. Бироқ унинг ўзи шахсий ҳаёти тафсилотларини сир тутишни маъқул кўради.
Саёҳатлар
ЖониворларУнинг уй ҳайвонлари орасида оқ йўлбарс ва шерлар бор, у лочин билан ов қилишни яхши кўради.
Хайрия фаолиятиШайхнинг меросхўри бир неча хайрия жамғармаларини қўллаб-қувватлайди ва мазкур жамғармалар томонидан ташкил этиладиган акцияларда мунтазам равишда қатнашади, донор сифатида қон топширади.
Изоҳ (0)