Украинанинг собиқ президенти Виктор Янукович инсон ҳуқуқлари бўйича Европа судига Украинага қарши даъво киритди. Бу ҳақда Буюк Британиянинг Joseph Hage Aaronson LLP адвокатлик компанияси релизига таяниб, Януковичнинг матбуот котиби Юрий Кирасир маълум қилди, дея хабар беради «Корреспондент.net».
«Януковичга нисбатан кўплаб асоссиз жиноий ишлар қўзғатилиши, уларни судда адолатли ва мустақил кўриб чиқилишига бўлган ҳуқуқининг бузилиши, амалдаги ҳокимият томонидан мухолиф сифатида сиёсий таъқиб этилиши даъво қўзғашга асос бўлди», – дейилади хабарда.
«Инсон ҳуқуқлари бўйича Европа судига даъво киритилишини Янукович Украина раҳбарияти унга нисбатан айблов ҳукми чиқариш мақсадида суд идораларига тазйиқ ўтказаётганлиги билан изоҳламоқда», — дея таъкидлайди собиқ президентнинг адвокати.
Эслатиб ўтамиз, Киевдаги Печерский суди 2015 йил 27 июлда Януковичга нисбатан сиртдан ҳукм чиқариш жараёнини бошлаш тўғрисида қарор қабул қилган, Украина бош прокуратураси эса уни айни пайтдаги яшаш жойида (Ростов) ёки видеоконференция тартибида кўрсатма беришини рад этганди.
Изоҳ (0)