iPhone фойдаланувчилари Facebook дастури жуда кўп электр энергиясини сарф қилишидан шикоят қилмоқда. Ҳатто, у ёпилган, фондан ҳам ўчириб қўйилган бўлса-да, бу ҳолат давом этади, деб ёзади «Hi-tech.mail.ru».
iOS ишлаб чиқувчиларидан бири Мэтт Гэллиган Facebook‘даги саҳифасида «Уйга» (Home) тугмасини босиш орқали дастур тегишлича уйқу режимига ўтмаслигини ёзди.
Унинг бошқа ҳамкасби Жонатан Жиарски қайд этишича, Facebook дастурида қурилма турган жойни аниқлаш функцияси ёқилган бўлади.
Яна бир iPhone фойдаланувчиси дастурнинг ўзида жойлашган жойни аниқлаш сервисини ўчириб қўйиш, дастурнинг фонда янгиланиб туришини ўчириш ҳеч қандай натижа бермаслигини, Facebook смартфон батареясининг 20 фоизини сарфлашда давом этишини таъкидлади.
Фойдаланувчилардан яна бири тахмин қилишича, бунга iOS’да VoIP-телефония дастури, масалан, Skype дастури учун онлайн бўлиб қолиш имконини берувчи (фондаги янгиланма ўчириб қўйилган бўлса ҳам) фон жараёни сабаб бўлади.
Facebook вакиллари эса, ўз навбатида, муаммо ҳақида билиши ва уни бартараф этиш устида ишлаётганини маълум қилди.
Изоҳ (0)